අපේ කණ්ඩායම

ලිලානි මුණසිංහ නම් වූ ඇය, අත්දැකීම් වලින් පරිපූර්ණ අධ්‍යාපනඥවරියක්, උපදේශකවරියක්, සහතික ලත් ගුරු පුහුණුකාරිණියක් සේම දරුවන් දෙදෙනකුගේ ආදරණීය මවකි. ලංකාව පුරා පන්තිකාමර වල දශක දෙකකට වඩා අත්දැකීම් සහිත ලිලානි මහත්මියට දරුවන් සමඟ කතාකිරීමේ දී සංවේදී විද්‍යාත්මක පදනමක් ඇති නිසා ඇය ප්‍රසිද්ධියට පත් විය. ශ්‍රී ලංකාවේ අධ්‍යාපන ක්ෂේත‍්‍රය තුල පවතින අභියෝග හමුවේ වුවත් ලිලානි ප්‍රායෝගිකව සුභවාදීව සෑම දෙයක් දෙසම බලන්නේ හැම දෙනාටම වඩාත් හොඳ අවස්ථා ලැබේවි යන විශ්වාසයෙන් යුතුවයි. ඇය කොළඹ දී පෙර පාසල් අධ්‍යාපනය තුළ ඇගේ වෘත්තීය ආරම්භ කල අතර, විවිධ උපදේශන තනතුරු වලින් ඉහළ පන්ති වලට ඉගැන්වීම සිදු කලාය. ඇගේ පුළුල් අත්දැකීම් වලට අමතරව ලිලානිට ළමා මනෝවිද්‍යාව පිළිබඳ පසුබිමක් පැවතුණි. ඇය ඒ දැනුම ඇගේ ඉගැන්වීම් සඳහා යොදාගත් අතර එමඟින් ඇයගේ සිසුන්ගේ චින්තවේගි අවශ්‍යතා සපුරාලීමට සමත්විය. ඇය දැනට කොළඹ බ්‍රිතාන්‍ය පාසලේ ඉංග්‍රීසි ගුරුවරියක් ලෙස කටයුතු කරන අතර ඊට පෙර ඇය ගල්කිස්ස ශාන්ත තෝමස් විද්‍යාලයේ ගුරුවරියක් ලෙස මහඟු සේවයක් කර ඇත.

ජෙරම් ද සzල්වා, අධ්‍යාපන ක්ෂේත‍්‍රයට පැවති ආශාව හේතුවෙන් බැංකුකරණ වෘත්තියෙන් ද ඉවත් වූ අයෙකි. Next Campus හි දී ඔහු වැඩසටහන් බෙදා හැරීම පිළිබඳව වටිනා අත්දැකීම් ලබා ගත් අතර ඔහු දේශීය හා විදේශීය අධ්‍යාපනය අතර සැළකිය යුතු පරතරයක් ද හඳුනා ගත්තේය. මේ හේතුවෙන් ඔහුව ටීච් ෆස්ට් ශ්‍රී ලංකා Teach First Sri Lanka (TFSL) වෙත හඳුන්වා දෙන ලදී. මෙහිදී ඔහු සංවිධානයේ මෙහෙයුම් සහ උපදේශකයෙකු ලෙස ඉතා වැදගත් කාර්ය්‍යයක් ඉටු කලේය. මීට අමතරව ඔහු ස්වේච්ඡාවෙන්ම Hype Sri Lanka  සමඟ එක්ව ඇති අතර PeaceX Fellowship වැඩසටහනට ද සහභාගි වී ඇත. ජෙරමි විශ්වවිද්‍යාලයේ ව්‍යාපෘති කළමනාකරණය පිළිබඳ ශාස්ත‍්‍රපති උපාධියක් හදාරා ඇති අතර ඔහු අධ්‍යාපන සංවර්ධනය පිළිබඳව අඛණ්ඩව ඉගෙනීමේ කටයුතුවල නිරතව සිටී.

චරිත් අබේරත්න යනු ළමා අධ්‍යාපනය සඳහා උදව් කිරීමට විශාල උනන්දුවක් තියෙන ධනාත්මක යථාර්තවාදියෙකි. ඔහු එක්සත් රාජධානියේ Teach First UK හි උගන්වන අවදියේ හොඳින් පුහුණු වූ සංවේදී ගුරුවරුන්ට පන්තිකාමරය ඇතුලතත් ඉන් පිටතදීත් සමාජයේ වඩාත්ම අවදානමකට ලක්වන දරුවන්ට කලහැකි පරිවර්තනීය බලපෑම් සියැසින්ම දුටු චරිතයකි. චරිත් මුලදී නීතියට සම්බන්ධ වෘත්තියක් හඹා ගියත්, සහායත්වයේ දී ඔහු ලැබූ අත්දැකීම් ඔහුගේ ඉදිරි දර්ශනය වෙනස් කර ඔහුගේ සැබෑ ආශාව සොයාගැනීමට ඔහුට සහය වුණි. ඔහු මෙම ආකෘතියට වැඩකරන ආකාරය තමන්ම දැක ඒ පිළිබඳව මුලූ හදවතින්ම විශ්වාස කල කාර්ය්‍යශූර ගුරුවරයෙකි. චරිත් ගරුවරු සිසුන් සහ දෙමාපියන් තුල ඇති සබඳතා ගැන ලොකු අවධානයක් යොමු කරන්නේ, මේ සබඳතා සමඟින් එකට වැඩකරන විට එය දරුවාගේ සමස්ත යහ පැවැත්මට ප්‍රයෝජනවත් බව තරයේ විශ්වාස කරනා බැවිණි. ගුරු වෘත්තියෙන් පිටත චරිත් ලන්ඩනයේ ඩෙලොයිට් හි කෘතිම බුද්ධිය සහ දත්ත පිළිබඳව උපදේශකයෙකු ද වන්නේය.

අචාර්ය නිර්මාල් ද සිල්වා යනු අධ්‍යාපනයේ වැදගත්ම සහ වටිනාම ගවේෂකයෙකි. වෘත්තීය ජීවිතයේ සැළකිය යුතු කොටසක් කැප කල දූරදශී නායකයෙකි. Global Entrepreneurship Network Sri Lanka  ඔහුගේ වර්තමාන භූමිකාව වේ. ඔහු ඉගැනීම සහ නිවැරදි මානසිකත්වය වර්ධනය කිරීම ගැන අවධානය යොමු කරන විෂය මාලාවක් නිර්මාණය කිරීමට වැදගත් කාර්යභාරයක් ඉටු කලේය. අචාර්ය නිර්මාල් ද සිල්වා වෙනසක් සඳහා උනන්දු වී, සමස්ත සමාජයේ යහපැවැත්ම වැඩි දියුණු කිරීමට ජීවිතයේ සෑම තරාතිරමක පුද්ගලයන් පොළඹවා ගැනීමට කැපවී සිටී. සම්මානලාභී උපාය උපදේශකයෙකු ලෙසද   SME උපදේශකයෙකු, ආයෝජකයෙකු සහ සහකාර මහාචාර්යවරයෙකු ලෙසද Fortune 500 සමාගම්වල ඇතුළුව ඉහල නායකත්ව භූමිකාවන් හි වසර 20 කට අධික පළපුරුද්දක් ඇති ආචාර්ය නිර්මාල් ද සිල්වා, රාජ්‍ය හා පෞද්ගලික අංශයේ විවිධ ආයතනවල මණ්ඩලවල සේවය කර ඇත.

ඩෙබ් එදිරිසිංහ යනු ළමා සුභසාධනය සහ සමාජ සාධාරණත්වය වෙනුවෙන් විවෘතව කතාකරන පුද්ගලයෙකි. ඇය Child Action Lanka  ආයතනයේ නිර්මාතෘවරියයි. ඒ ආයතනය ඉහළ අවදානම් ස්ථාන අටක අවදානමට ලක්විය හැකි ළමුන් සඳහා ආරක්ෂිත ස්ථාන සපයයි. ඊට අමතරව ඇය Anugra Asia  හි අධ්‍යක්ෂ සහ Epiphany Trust  ආසියා අධ්‍යක්ෂ තනතුරද දරණ අතරම Global Goodwill Ambassadors සමග සමීප සබඳතාවයක් පවත්වාගෙන යයි. Lifetime Achievement Award (Women World Awards
2019), Zonta Centennial Award සහ World Zinta Awards 2019  හි වසරේ කාන්තා ව්‍යාවසායිකාව ඇතුළු විවිධ ඇගයීම් රැසක් ඇයට ලැබී තිබෙනවා. ඇය දැනට ඩර්හැම් විශ්වවිද්‍යාලයෙන් ආචාර්ය්‍ය උපාධියක් හදාරනවා.

ආචාර්ය ටාරා ද මෙල් යනු ශ්‍රී ලංකාවේ අධ්‍යාපන ක්ෂේත‍්‍රයේ කැපී පෙනෙන චරීතයකි. ඇය ශ්‍රී ලංකාවේ අධ්‍යාපන ක්ෂේත‍්‍රයේ දියුණුවට ගත් උත්සාහය තුල දශක දෙකකට වඩා අත්දැකීම් සහිතය. ඇය අධ්‍යාපනයේ ගුණාත්මකභාවය වෙනුවෙන් ඉතසිතින් පෙනී සිටින අතරම පාසල් වල සහ විශ්වවිද්‍යාලවල ළමා ආරක්ෂාව සහ නවක වදය වැළැක්වීම සඳහා ද වෙහෙස මහන්සි වී කටයුතු කරයි. ඇයගේ සුවිශේෂී වෘත්තීය දිවිය තුළ වසර 20 ක් පමණ ශ්‍රී ලංකා රජයට සේවය කර අධ්‍යාපන අමාත්‍යවරයාගේ ලේකම්තුමිය ලෙස සහ ජනාධිපති අධ්‍යාපන උපදේශක ආදී ඉහළ පෙලේ තනතුරු ද හොබවා ඇත. එසේම ආචාර්ය ටාරා ද මෙල් ශ්‍රී ලංකා අධ්‍යාපන සංසදයේ සම සභාපති ලෙසද, සියලූ දරුවන්ට අධ්‍යාපනය ලබාදීම සඳහා වූ ලෝක ව්‍යාප්ත කොමිසමේ සහ ගෝලීය අධ්‍යාපන අධීක්ෂණ වාර්ථාවේ යුනෙස්කෝ උපදේශක මණ්ඩලයේ සාමාජිකාවක්ද වේ. ඇය කොළඹ විශ්වවිද්‍යාලයේ පර්යේෂණ පදනම් කරගත් MD උපාධියක් සහ ලන්ඩන් විශ්වවිද්‍යාලයෙන් MPhil උපාධියක් ලබාගත් අතර, ‘Reforming Education: Challenges to Change ‘හි කතුවරියද වේ.